WAKAZI WA WAZO MJI MPYA WAPATIWA SULUHISHO LA BARABARAPosted On: November 27th, 2020Suluhisho hilo limekuja leo baada ya Mkuu wa Wilaya ya Kinondoni Mhe. Daniel Chongolo kuzuru eneo lenye bwawa na kushauri kufunguliwa kwa barabara ya muda katika mazungumzo yaliyohusisha wananchi wa mji mpya, wamiliki wa viwanja vilivyopakana na bwawa pamoja na wadau wa maendeleo . Akizungumza na wakazi hao, Mhe. Chongolo amesema kufunguliwa kwa barabara ya muda kutawawezesha wakazi wa wazo mji mpya kufika majumbani kwao, lakini pia kutatoa nafasi ya eneo linalojaa maji kuboreshwa kwa kusambaza kifusi na kuchimba mitaro itakayoelekeza maji katika mkondo wake ili kuzuia athari za uharibifu wa barabara.Amesema " Kwanza tuondoe hatari iliyo mbele yetu, miti ing'olewe ili kuandaa eneo la barabara ya watu kupita ili waweze kufika katika makazi yao, kupatikane kifusi cha kujaza eneo kuyaelekeza maji kufuata mkondo wake, mana suala lililoko hapa ni makubaliano tu, baina ya mwenye kiwanja kilichopakana na bwawa kutoa eneo kwa muda ili waweze kusambaza kifusi kwa ajili ya kupata barabara ya muda, wakati tukiendelea kupata suluhisho la kudumu. jukumu langu ni kuhakikisha wananchi wanapata Amani katika makazi yao" Amesema Chongolo.Aidha amemtaka Bw.Gerald Lusula Mwenye kiwanja Na.392 na Bwana Andrew Peter Mwenye kiwanja namba 393 vyote vikiwa vimepakana na eneo lenye bwawa kutoa ushirikiano katika kuhakikisha suluhu ya pamoja inapatikana kwa kuruhusu kusambazwa kifusi kwenye ukingo wa viwanja ili kupatikana kwa barabara ya muda kwa wakazi wa mji mpya kufika majumbani kwao huku wakiangalia suluhu ya kudumu ya eneo hilo.Katika hatua nyingine ameiagiza kampuni ya Mecco inayojenga barabara ya wazo kutumia scaveta pamoja na greda kusambaza kifusi kitakachotolewa na kiwanda cha wazo ikiwa ni pamoja na mifuko 20 ya cement pamoja na kalvati kwa ajili ya kuboreshwa eneo hilo la bwawa.Awali akiainisha changamoto ya eneo hilo Mhandisi wa Tanroad Bi.Mariam Hassan amesema ni kutokana na kuzuiwa kwa mkondo huo wa maji hali iliyopelekea kutuama na kusababisha bwawa linaloendelea kukua na kuharibu barabara.Imeandaliwa naKitengo Cha Uhusiano na HabariManispaa ya Kinondoni. WAKAZI WA WAZO MJI MPYA WAPATIWA SULUHISHO LA BARABARA Posted On: November 27th, 2020 Suluhisho hilo limekuja leo baada ya Mkuu wa Wilaya ... + Read more »
KINONDONI YAADHIMISHA SIKU YA MOYO DUNIANI KWA VITENDOPosted On: September 29th, 2020Manispaa ya Kinondoni kwa kushirikiana na Taasisi ya Moyo Jakaya Kikwete (JKCI), leo wameadhimisha siku ya Moyo Duniani kwa kutoa huduma mbalimbali kwa wanachi.Maadhimisho hayo yaliyoenda kwa kauli mbiu isemayo "Tambua namba yako ya uzito, pressure na Sukari" yamefanyika katika viwanja vya Tanganyika pekers kwa kutoa huduma za kupima uzito, kupima shinikizo la damu, Sukari, kupima moyo pamoja na vipimo vya ECG.Akizungumza kwa niaba ya Mganga Mkuu wa Manispaa hiyo, mratibu katika maadhimisho hayo DR. Omary Mwangaza amesema wameendesha huduma hizi kwani ndio magonjwa yasiyo na dalili zinazoonekana kwa haraka yanayoshambulia nguvu kazi ya Taifa kwa kiwango kikubwa.Amesema " Kila tarehe 29/09 kila mwaka ni siku ya kuadhimisha ugonjwa wa Moyo duniani, na kwa kauli mbiu hii ya mwaka huu inayotutaka kutambua namba yako ya uzito, pressure na Sukari",ni kaulimbiu shirikishi inayomtaka mwanachi kuchukua hatua kwani magonjwa haya dalili zake hazijitokezi kwa haraka na kusababisha tatizo kuwa kubwa kwa kuchelewa kutibiwa pindi inapompasa mtu kufanya hivyo ". DR.OmaryNaye Mkurugenzi wa Taasisi ya Moyo ya Jakaya Kikwete(JKCI) Prof. Mohamed Janabi amesema ni vema watanzania wakawa na utaratibu wa kupima afya zao hasa vipimo vya moyo kwani moyo ni kiungo kikubwa katika mwili, hivyo kikiwa na tatizo na afya nzima ya mwili itakuwa na tatizo na kuwataka wananchi kujitokeza kwa wingi katika viwanja vya Kawe kuadhimisha kwa pamoja siku hii ambapo huduma za vipimo hizo kwa siku ya leo ni bure.Imeandaliwa naKitengo cha Uhusiano na HabariManispaa ya Kinondoni KINONDONI YAADHIMISHA SIKU YA MOYO DUNIANI KWA VITENDO Posted On: September 29th, 2020 Manispaa ya Kinondoni kwa kushirikiana na Taasisi y... + Read more »
KINONDONI YAWASHUKIA WAUZAJI WA MBWA NA PAKA KIHOLELAPosted On: September 28th, 2020 Kinondoni imetoa onyo kali kwa watu wanaouza wanyama jamii ya mbwa na Paka kiholela kwani kwa kufanya hivyo ni kinyume cha sheria ya ufugaji mjini.Onyo hilo limetolewa leo na katibu Tawala wa Wilaya hiyo Bi Stella Msofe, alipokuwa mgeni rasmi katika maadhimisho ya siku ya kichaa Cha mbwa Duniani yenye kaulimbiu isemayo "TOKOMEZA KICHAA CHA MBWA: TUSHIRIKIANE, KUCHANJA" na kuzindua rasmi chanjo ya ugonjwa wa kichwa cha mbwa hafla iliyofanyika katika viwanja vya Tanganyika Packer's.Amesema sheria hairuhusu mbwa na paka kupangwa barabarani na kuuzwa, wanyama hawa Wana haki zao na kuna maeneo maalum ambayo biashara hii inatakiwa kufanyika, hivyo Wananchi wafuate sheria ili kwa pamoja tuweze kutokomeza magonjwa yanayozeza kutoka kwao wanyama na kuja kwa binaadamu ukiwemo huu wa Kichaa cha mbwa."Napenda kutumia maadhimisho ya siku hii kuwakumbusha wenzetu wanaoishi na mifugo majumbani mwao kufuata sheria za ufugaji mjini ili kudhibiti mbwa wanaozurura na Wananchi waache mara moja biashara ya kuuza mbwa barabarani" Ameongeza Bi Msofe.Kwa upande wake Mkuu wa Idara ya mifugo na uvuvi Manispaa ya Kinondoni Bi Patricia Henjewele amesema ugonjwa wa kichwa cha mbwa unaowapata mbwa pia unawapata binaadamu, na ni vigumu kutibu binaadamu ambae anakuwa ameambukizwa ugonjwa huu hivyo ni bora zaidi kuchanja mifugo ili kuzuia kusambaa kwa ugonjwa. Amesema zoezi la chanjo kwa mbwa na paka ambalo limezinduliwa leo, litakuwa endelevu kwa kipindi cha mwezi mzima katika kata mbalimbali zilizopo wilaya ya Kinondoni hivyo Wananchi wawasiliane na Maafisa mifugo wa kata husika.Aidha amewashukuru Taasisi ya Every living Things inayojihusisha na haki za wanyama hususani wanyama wanaozurura mitaani kwa kushirikiana na Manispaa ya Kinondoni kutokomeza ugonjwa wa Kichaa cha Mbwa.Siku ya kichaa cha mbwa duniani huadhimishwa kila ifikapo Tar 28 mwezi Septemba ambapo kwa Kinondoni wameadhimisha kwa kutoa chanjo kwa mbwa na paka dhidi ya ugonjwa wa kichaa cha mbwa, Kutibu wanyama watakaogundulika na magonjwa ya aina mbalimbali, Kuogesha wanyama kwa lengo la kuua kupe na viroboto na kukata kucha zilizodidi.Imeandaliwa na Kitengo cha Habari na UhusianoManispaa ya Kinondoni. KINONDONI YAWASHUKIA WAUZAJI WA MBWA NA PAKA KIHOLELA Posted On: September 28th, 2020 Kinondoni imetoa onyo kali kwa watu wanaouza wanyam... + Read more »
BARAZA LA WAZEE KINONDONI KUUNGANA NA WENZAO MKOA WA DAR ES SALAAM KUSHEREKEA SIKU YA WAZEE DUNIANIPosted On: September 26th, 2020Sherehe hizo zinazoambatana na kauli mbiu isemayo "familia na jamii tuwajibike kuwatunza wazee" zinatarajiwa kufanyika siku ya Jumamosi Tar 3 Oktoba katika viwanja vya Mnazi mmoja yakiwa ni makubaliano yaliyofikiwa leo katika kikao cha robo ya kwanza ya mwaka 2020-2021 kilichofanyika katika ukumbi wa mikutano wa Manispaa .Akitoa hoja hiyo katika katika kikao hicho, Mwenyekiti wa Baraza hilo Bw Wallace K. Mwakikalo amesema huo utakuwa wakati mzuri kwao kutoa matamko ya pamoja na kuweka mipaka ya kimajukumu kati ya mabaraza ya wazee na vikundi mbalimbali vya kusaidia wazee.Ameongeza kuwa katika maadhimisho hayo pia itakuwa ni nafasi pekee ya kupanga mikakati yao ya kupambana na changamoto zinazowakabili pamoja kama Mkoa na kubadilishana uzoefu." Kumekuwa na changamoto ya muingiliano wa majukumu Kati ya baraza la wazee na hivi vikundi vya kijamii vinavyofanya kazi na jamii ya wazee, huu utakuwa wakati mzuri kwetu kutoa tamko la mipaka ya kimajukumu tukiwa na viongozi wetu wa mkoa wa Dar es salaam" Kwa upande wake Katibu wa Baraza hilo Bi Neema Mwalubilo amesema Maadhimisho hayo yanatarajiwa kufanyika tarehe 3 mwezi ujao katika viwanja vya mnazi mmoja ambapo wazee wa kinondoni watajumuika na wazee wengine katika kuhadhimisha siku yao muhimu.Naye Afisa ustawi wa Manispaa ya Kinondoni Bi.Judith Kimaro amelitaka Baraza hilo kuwa balozi kwa wazee kujiunga na mfuko wa (ICHF), ili wawe na uhakika wa matibabu pale wanapoumwa na wazee hao kuwa mabalozi wazuri kwa wenzao wasio na uwezo wa kupata matibabu kwa kuwasaidia waweze kupatiwa kadi za msamaha wa matibabu.Imeandaliwa nakitengo cha habari na UhusianoManispaa ya Kinondoni. BARAZA LA WAZEE KINONDONI KUUNGANA NA WENZAO MKOA WA DAR ES SALAAM KUSHEREKEA SIKU YA WAZEE DUNIANI Posted On: September 26th, 2020 Shereh... + Read more »
TIMU YAUNDWA UTATUZI WA MGOGORO WA ARDHI NYAKASANGWE , MANISPAA YA KINONDONIPosted On: August 18th, 2020Wizara ya Ardhi ,Nyumba na Maendeleo ya Makazi kwa kushirikiana na Manispaa ya Kinondoni imefanikiwa kutatua changamoto ya mgogoro wa Ardhi uliodumu kwa kipindi cha miaka saba katika eneo la Nyakasangwe Kata ya Wazo kwa kuunda timu itakayofanya tathimini kwa awamu ya mwisho.Akizungumza na Wananchi wa eneo hilo, Waziri wa Ardhi Nyumba na Maendeleo ya Makazi, Mhe. Wilium Lukuvi amesema kuwa mgogoro huo unaohusisha eneo lenye takribani ekari 2878, umegawanyika katika makundi mawili ambayo ni upande wa wenyemashamba pamoja na wenye makazi wanaokadiriwa kufikia idadi ya watu 3300.“Nimepokea taarifa ya watalamu wangu lakini bado kunamapangufu kiasi, hivyo nimekuja na timu nyingine kutoka makao makuu ya Jeshi la Polisi Dodoma ambao watafanya kazi kwakushirikiana na Manispaa ya Kinondoni watafika huku muwape ushirikiano, kama mtu ulinunua eneo kwa mtu basi uwe na nyaraka zako” amesema Mhe. LukuviAmeongeza kuwa timu hiyo itaanza kufanya utambuzi kutokana na ripoti ya timu ya awali iliyoundwa na kwamba iwapo itabaini kunauvamizi ulifanyika kwa wanchi hao, serikali haitawavunjia nyumba badala yake watapaswa kulipia gharama ya eneo hilo sambamba na mwenyemashamaba halali na nyumba halali .Awali akimkaribisha Mhe. Waziri Lukuvi, Mkuu wa Wilaya ya Kinondoni Mhe. Daniel Chongolo alisema kuwa kwasasa Manispaa ya Kinondoni imefanikiwa kupima viwanja takriban 9000, hali iliyopelekea kupunguza migogoro hiyo kwa kiasi kikubwa.Mhe. Chongolo amesema Wananchi ambao tayari wameshapimiwa viwanja vyao wanapaswa kuchukua hati zao sambamba na wale ambao maeneo yao hajapimwa kuchukua hatua ili kuepukana na usumbufu wowote unaoweza kujitokeza.Imeandaliwa naKitengo Cha Habari na UhusianoManispaa ya Kinondoni. TIMU YAUNDWA UTATUZI WA MGOGORO WA ARDHI NYAKASANGWE , MANISPAA YA KINONDONI Posted On: August 18th, 2020 Wizara ya Ardhi ,Nyumba na Maend... + Read more »
DC CHONGOLO AMTAKA MKANDARASI ANAYEJENGA SOKO LA TANDALE KUONGEZA KASI YA UJENZI HUOPosted On: August 18th, 2020Mkuu wa Wilaya ya Kinondoni, Mhe. Daniel Chongolo amemtaka Mkandarasi wa Kampuni ya NAMIS CORPORATE L.T.D ambaye anajenga Soko hilo kuongeza kasi ya ujenzi huo ili Wafanyabiashara waweze kurudi kwenye eneo lao.Mhe. Chongolo amesema hayo alipofanya ziara katika soko la Tandale na kuwakuta wafanyabiashara katika mazingira yasiyo rafiki hali inayopelekea usumbufu wa shughuli zao na kumuelekeza mkandarasi huyo kuongeza kasi ya ujenzi huo ili kuondokana na adha inayowakabili.Amesema lengo la Serikali ya awamu ya tano ni kuhakikisha inaboresha miundo mbinu yote ya masoko ili wafanyabiashara waweze kufanya biashara na kuendesha maisha yao na hivyo kuziwezesha Halmashauri kufikia malengo hayo.Amefafanua kuwa mradi huo wa Soko la kisasa unajengwa kwa gharama ya Sh. Bilioni 8.7 fedha ambazo zimetolewa na Serikali kuu na kwamba tayari mkandarasi huyo ameshalipwa fedha zote na hivyo kusisitiza kwamba anapaswa kufanya kazi usiku na mchana ilikukamilisha kazi yake kwa wakati. “Serikali ya Rais Dk. John Magufuli imemlipa mkandarasi pesa zote, hivyo hatudai badala yake sisi ndio tunamdai Soko letu atukabidhi kwa wakati sahihi, wafanyabishara na wananchi wanasubria kwa shauku kubwa sana ukizingatia Soko hili nimuhimu kwa wakazi wa Dar es Salaam, kwasababu litahusika zaidi na biashara ya mazao ya nafaka pamoja na bidhaa nyingine” amesema Chongolo. Awali Meneja kutoka kampuni hiyo iliyopewa kandarasi ya ujenzi wa Soko hilo Mhandisi James Msumari alimueleza Mhe. Chongolo kuwa ujenzi huo utachukua miezi 12 jambo ambalo alionesha kutokuridhishwa na muda huo na kusema kuwa hakuna sababu ya kutumia muda mrefu kwakuwa fedha wanazo hivyo wanapaswa kukamilisha ujenzi kwa makubaliano yaliyoingiwa.Kwaupande wake Mhandisi Msumari amesema wamepokea maagizo na wako tayari kuyatekeleza ili waweze kuondoa changamoto zinazowakabilio wafanyabiashara wa eneo hilo.Imeandaliwa naKitengo cha Habari na UhusianoManispaa ya Kinondoni. DC CHONGOLO AMTAKA MKANDARASI ANAYEJENGA SOKO LA TANDALE KUONGEZA KASI YA UJENZI HUO Posted On: August 18th, 2020 Mkuu wa Wilaya ya Kinond... + Read more »
MATUKIO MBALIMBALI KATIKA PICHA BANDA LA KINONDONI, MAONESHO YA NANENANE KANDA YA MASHARIKI, MKOANI MOROGOROPosted On: August 6th, 2020Katibu Tawala wa Wilaya ya Kisarawe mkoani Pwani, Bi. Mwanana Msumi, akipata maelezo kutoka kwa Maafisa wa Kitengo cha Uchaguzi Manispaa ya Kinondoni alipotembelea Banda hilo kwa lengo la kujionea maonesho hayo.Mtaalamu wa kutengeneza mfumo wa kisasa wa ufugaji wa Samaki Bwana. Jonas Ndau akitoa maelezo kwa Wananchi waliofika kuona mfumo huo unavyofanya kazi.Afisa Kilimo wa zao la mboga mboga kutoka Manispaa ya Kinondoni, Bwana. Emanuel Chacha akitoa maelezo ya Kilimo hicho kwa kutumia udongo kwa Wananchi waliofika katika Banda la Maonesho ya wakulima Nanenane yanayoendelea mkoani Morogoro.Muonekano wa zao la Nyanya lililolimwa kwa kutumia mfumo wa eneo la wazi. Mtaalamu wa ufugaji wa Samaki kwa kutumia njia ya Bwawa la maji kutoka Manispaa ya Kinondoni, bwana Masumbuko Nzingula akitoa maelezo kwa Wananchi waliofika katika Banda la Manispaa hiyo katika Viwanja vya Maonyesho ya Nanenane mkoani Morogoro. Mjasiriamali wa Samaki na Dagaa kutoka Manispaa ya Kinondoni, Bi. Mwajuma Mwinyimbe akitoa maelezo kwa Wananchi waliofika katika banda la Manispaa hiyo viwanja vya maonesho ya Wakulima Nanenane yanayoendelea Mkoani Morgoro.Imeandaliwa naKitengo cha Habari na Mahusiano MATUKIO MBALIMBALI KATIKA PICHA BANDA LA KINONDONI, MAONESHO YA NANENANE KANDA YA MASHARIKI, MKOANI MOROGORO Posted On: August 6th, 2020 K... + Read more »