NAIBU WAZIRI-OFISI YA WAZIRI MKUU ARIDHISHWA NA NAMNA KINONDONI INAVYOWEZESHA WANANCHI KIUCHUMIPosted On: December 22nd, 2020Hali hiyo imebainika wakati Naibu waziri wa Ajira, Kazi na Vijana Mhe Patrobas Katambi alipofanya ziara kutembelea vikundi vya vijana vilivyokopeshwa vitendea kazi vinavyowasaidia katika shughuli zao za ujasiriamali.Amesema kwa kumpatia kijana kifaa ni uamuzi mzuri unaomwepusha kutumia fedha kinyume na utaratibu na kumuondolea tamaa za matumizi mabovu hali inayompelekea kutokukamilisha malengo mahususi"Niwapongeze pia kwa ajili ya eneo hili la utoaji mikopo, Kinondoni mmeweza kwa kuhakikisha mnasimamia taratibu, Sheria, kanuni na miongozo invyoelekeza kuhusiana na suala hili ngazi kwa ngazi kwani mchakato unaanzia ngazi ya chini hali inayopelekea kupata watu sahihi zaidi wa kuwapatia fedha hizi" Ameongeza Mhe KatambiAkiwa Katika kiwanda cha kutengeneza bidhaa za ngozi cha EZEMA, Naibu waziri huyo ameridhishwa na bidhaa zinazozalishwa kiwandani hapo na kuahidi kuwa balozi wa bidhaa hizo popote atakapokwenda.Aidha amewataka vijana wa kiume kujitokeza kwa wingi kutumia fursa hii kwani takwimu za Sasa zinaonesha kuwa idadi ya wanawake wanaojitokeza kuchukua mikopo ni kubwa zaidi ukilinganisha na vijana.Awali akitoa Taarifa ya utoaji wa mikopo kwa wanawake, vijana na walemavu, Mkuu wa Idara ya Maendeleo ya Jamii Kinondoni, Bi Halima Kahema amesema wameamua sasa kukopesha vifaa, na viwanda vidogo ili kuwawezesha wajasiriamali kwenda moja kwa moja kwenye uzalishaji.Kadhalika amebainisha kuwa kwa mwaka 2017 wamefanikiwa kukopesha zaidi ya vikundi 5000 na kuwa kwa mwaka huu wa fedha wameshatoa mikopo kwa vikundi 202 ambapo wamepata kiasi cha shilingi Bil 1.3 .Naibu waziri akiwa amembatana na Kamishna wa Kazi nchini ametembelea kikundi cha kutengeneza juisi cha Emitote na kikundi cha kuzalisha bidhaa za ngozi cha EZEMA.Imeandaliwa naKitengo cha Habari na UhusianoManispaa ya Kinondoni NAIBU WAZIRI-OFISI YA WAZIRI MKUU ARIDHISHWA NA NAMNA KINONDONI INAVYOWEZESHA WANANCHI KIUCHUMI Posted On: December 22nd, 2020 Hali hiyo i... + Read more »
HOSPITALI YA SANITAS YAPEWA SIKU SABA KUKAMILISHA MALIMBIKIZO YA MISHAHARA YA WATUMISHI WAKEPosted On: December 22nd, 2020Agizo hilo limetolewa na Naibu Waziri Wizara ya Kazi, Ajira na Vijana Mhe.Patrobas Katambi mara baada ya kuzuru ofisini hapo kwa lengo la kujiridhisha na masuala ya kisera yanayohusiana na ajira, kazi na vijana.Akiwa ofisini hapo, Naibu waziri amebaini watumishi wa Hospitali hiyo kutokupatiwa stahiki zao za kiutumishi ikiwemo mishahara yao kwa kipindi cha miezi 13 sasa kwa kigezo cha kuyumba Biashara kufuatia mlipuko wa ugonjwa wa corona.Mhe Katambi amesema kulipa mishahara watumishi ni takwa la kikatiba na haliwezi kuvunjwa kwa kigezo chochote kile, hasa ikizingatiwa kaulimbiu ya wizara kwa awamu hii ni "mtumishi alipwe ujira wake kabla jasho halijakauka" lengo likiwa kuhakikisha kwamba mfanyakazi mtanzania anapata haki yake kwa wakati na kulinda ajira za wazawa."Watumishi Hawa wanamahitaji binafsi, wanafamilia zinawategemea na wanatakiwa kulipa Kodi za serikali kupitia mishahara yao, kitendo cha ninyi kutowapa mishahara yao kipindi chote hiki sio tuu kuwakoseshea mahitaji yao ya msingi bali mnakwamisha pia Kodi za serikali" AmeongezaNaibu WaziriAidha Naibu Waziri huyo ameutaka uongozi wa Sanitas kuwapa mikataba isio na ukomo watumishi wanaostahili mikataba hiyo, kuwe na vyama vya wafanyakazi, kuwasilisha nyaraka zinazohusu umiliki wa kampuni ili ziweze kupitiwa upya pia Uongozi uwe na sera mbalimbali hususan ya ajira na ukimwi Ili ziweze kufuatwa kikamilifu katika majukumu ya kiutawala.Kwa upande wake kamishna wa Ajira Nchini Tanzania Brigedia Mbindi amesema ziara hii ni endelevu kwa nchi nzima lengo likiwa ni kuhakikisha sheria na miongozo mbalimbali ya kazi inafuatwa kikamilifu na wafanyakazi wanafanya kazi katika mazingira bora.Naye Mkuu wa Wilaya ya Kinondoni Mhe Daniel Chongolo amesema Kinondoni inaendelea kutatua changamoto mbalimbali zinazowakabili waajiriwa wa sekta binafsi hivyo kwa ziara hii kutapunguza changamoto kwa waajiriwa na kuwapa mazingira mazuri wawekezaji katika kutimiza majukumu yao.Katika hatua nyingine Naibu Waziri amepongeza uongozi wa kiwanda cha coca-cola kwanza kwa kufuata kikamilifu sheria za kazi hususan Katika kuwapa kipaumbele wafanyakazi wazawa na kuwapatia mafunzo wazawa Katika yale maeneo ya utaalamu.Katika ziara hiyo, Naibu Waziri ametembelea Hospitali ya Sanitas iliyopo Mikocheni na Kiwanda cha coca-cola kwanza.Imeandaliwa naKitengo cha Habari na UhusianoManispaa ya Kinondoni. HOSPITALI YA SANITAS YAPEWA SIKU SABA KUKAMILISHA MALIMBIKIZO YA MISHAHARA YA WATUMISHI WAKE Posted On: December 22nd, 2020 Agizo hilo lim... + Read more »
MATUKIO KATIKA PICHAPosted On: December 17th, 2020Kamati ya Fedha na Uongozi chini ya Mwenyekiti wake Mstahiki Meya Mhe.Songoro Mnyonge ambaye pia ni diwani wa Kata ya Mwananyamala leo wamefanya ziara ya ukaguzi wa Miradi.Kamati hiyo imefanikiwa kutembelea miradi ambayo vyanzo vyake ni mapato ya ndani pamoja na ruzuku kutoka Serikali kuu.Miradi iliyotembelewa ni ujenzi wa jengo la utawala lililoko katika kata ya Ndugumbi, ujenzi wa uwanja wa mpira wa kisasa Mwenge, na ujenzi wa stendi ya kisasa ya daladala inayojengwa kwa fedha za ndani na Ile inayojengwa kwa fedha za ruzuku kutoka Serikali kuu ni ujenzi wa soko la Kisasa Magomeni na Tandale.Imeandaliwa naKitengo Cha Habari na Uhusiano .Manispaa ya Kinondoni. MATUKIO KATIKA PICHA Posted On: December 17th, 2020 Kamati ya Fedha na Uongozi chini ya Mwenyekiti wake Mstahiki Meya Mhe.Songoro Mnyonge ... + Read more »
KINONDONI YAPOKEA UJUMBE TOKA JIJI LA ARUSHAPosted On: December 16th, 2020NI KWA LENGO LA KUBADILISHANA UZOEFU KATIKA UTEKELEZAJI WA MKOPO WA ASILIMIA KUMIManispaa ya Kinondoni imepokea ujumbe wa watu watano kutoka Halmashauri ya Jiji la Arusha kwa lengo la kubadilishana uzoefu katika utendaji wa shughuli za Serikali hasa utekelezaji wa mikopo ya asilimia kumi kwavijana walemavu na wanawake.Ujumbe huo uliohusisha Naibu Meya wa Jiji la Arusha, wataalamu kutoka Idara ya maendeleo ya Jamii akiwemo mkuu wa Idara hiyo, Afisa vijana, Mratibu wa dawati la uwezeshaji Wananchi kiuchumi na Afisa maendeleo ya jamii kata umepata fursa ya kutembelea vikundi vilivyopata mikopo na kujionea wanavyotekeleza majukumu yao na suala la urejeshaji wa mikopo hiyo.Vikundi vilivyotembelewa ni kikundi cha usindikaji wa viungo mbalimbali cha vijimambo group kilichopo Kigogo pamoja na kikundi cha EZEMA watengenezaji wa bidhaa z ngozi kilichopo Mbezi Makonde.Jiji la Arusha limefurahishwa na elimu waliyoipata ya utekelezaji wa mikopo ya asilimia kumi na jinsi Kinondoni inavyotoa mikopo ya mashine za kufanyia kazi zinazowezesha utekelezaji wa kuingia uchumi wa Kati wa viwanda.Imeandaliwa naKitengo Cha Habari na Uhusiano.Manispaa ya Kinondoni. KINONDONI YAPOKEA UJUMBE TOKA JIJI LA ARUSHA Posted On: December 16th, 2020 NI KWA LENGO LA KUBADILISHANA UZOEFU KATIKA UTEKELEZAJI WA MKO... + Read more »
WAVAMIZI ENEO LA KIWANDA CHA KUCHAKATA TAKA MABWEPANDE WATAKIWA KUONDOKA MARA MOJAPosted On: December 14th, 2020Agizo hilo limetolewa na Mkuu wa Mkoa wa Dar Es salaam Mhe.Abubakar Kunenge leo alipofanya ziara ya ukaguzi wa kiwanda cha kuchakata taka kilichopo Kata ya Mabwepande Manispaa ya Kinondoni.Amesema eneo hilo enye ekari 14, lilitengwa kwa ajili ya shughuli za uchakataji wa taka ikiwa ni hatua za Serikali za kuhakikisha inatatua kero za uchafu zinazowakabili wananchi katika maeneo yao, lakini pia ni moja ya kitega uchumi kwa kuzalisha mbolea isiyo na kemikali itakayoweza kuuzwa kwa wanachi na wadau mabilimbali na si kwa ajili ya makazi. Katikati ni Mkuu wa Mkoa wa Dar Es Salaam Mhe. Abubakar Kunenge na kulia ni Mkuu wa Wilaya ya Kinondoni Mhe. Daniel Chongolo wakikagua mradi."Ninaagiza wale wote waliovamia eneo hilo kuondoka mara moja ili kuepukana na adha ya kubomolewa na kuharibiwa mali zao na ninyi Manispaa wekeni mipaka katika eneo hili ili ijulikane mwanzo na mwisho wake. Nilazima wana Dar es salaam mjifunze kufuata Sheria, kuitii Sheria na si vinginevyo." Ameagiza RC Kunenge.Katikati ni Meya wa Manispaa ya Kinondoni Mhe. Songoro MnyongeNaye Mstahiki Meya wa Manispaa hiyo Mhe.Songoro Mnyonge alipokuwa akitoa ufafanuzi amesema kiwanda hiki kinachojengwa kwa ufadhili kutoka jiji la Humburg Nchini Ujeruman, kinauwezo wa kuchukua tani 50 za taka kwa siku na kuzichakata hadi kufika tani 30 kwa siku moja kwa kutumia mitambo ya kisasa itakayofungwa katika eneo hilo.Amesema mitambo ya kuchakata taka tayari imefika bandarini ikisubiri ukamilishwaji wa taratibu za kiserikali ili iweze kufungwa tayari kwa kuanza kazi.Akitoa ufafanuzi wa kiwanda hicho, Afisa Usafishaji wa Manispaa hiyo Ndg Alban Mugyabuso amesema mfumo mzima wa uchakataji taka hadi kukamilika kwake unatumia siku 14, na kwamba tayari masoko yameshaanza kutafutwa kwajili ya ununuzi wa mbolea isiyo na kemikali itakayopatikana baada ya uchakataji.Aidha ameeleza kuwa takataka zinazochukuliwa kwa ajili ya uchakataji ni zile zinazotoka masokoni zenye kuoza kwa haraka na siyo chupa za maji wala mifuko ya plastiki.Katika hatua nyingine Mkuu huyo wa Mkoa amewataka TRA na Bandari kushughulikia kwa haraka mitambo hiyo iliyoko bandarini iweze kutoka ili ifungwe na kiwanda kiweze kufanya kazi.Imeandaliwa naKitengo Cha Uhusiano na Habari.Manispaa ya Kinondoni. WAVAMIZI ENEO LA KIWANDA CHA KUCHAKATA TAKA MABWEPANDE WATAKIWA KUONDOKA MARA MOJA Posted On: December 14th, 2020 Agizo hilo limetolewa na... + Read more »
KINONDONI YAPONGEZWA KWA UBORA NA UTEKELEZAJI WA MIRADIPosted On: December 14th, 2020NI ULE WA UJENZI WA HOSPITAL YA MABWEPANDE KWA GHARAMA YA TSH BIL 2.5, MAPATO YAKE YA NDANI HADI KUKAMILIKA KWAKE.Pongezi hizo zimetolewa na Mkuu wa Mkoa wa Dar es salaam Mhe. Abubakar Kunenge alipofanya ziara katika Manispaa hiyo ya Ukaguzi wa utekelezaji wa miradi ya maendeleo hususan ujenzi wa hospital ya Mabwepande iliyopo katika eneo la Mabwepande Manispaa ya Kinondoni.Amesema Manispaa hiyo ndiyo pekee kwa Mkoa wa Dar es salaam iliyoweza kujenga Hospital kubwa yenye kiwango kinachoridhisha itakayokuwa na uwezo wa kutoa huduma kwa wananchi kwa kutumia mapato yake ya ndani .Amesema "Kinondoni mnafanya vizuri kwa habari ya miradi, mnatafsiri vizuri maagizo ya Rais wa Jamuhuri ya Muungano wa Tanzania Mh. Dr.John Pombe Joseph Magufuli kwa kusogeza huduma karibu na wananchi, kwa ujenzi wa hospital hii, inabidi Halmashauri nyingine zije kujifunza hapa kwenu, hii ndio Halmashauri ya mfano, ninayotamani Halmashauri nyingine ziwe" Amesema KunengeNaye Mstahiki Meya wa Manispaa hiyo Mhe. Songoro Mnyonge alipotakiwa kufafanua Jambo amesema kuwa Hospital hiyo ya Mabwepande inayo uwezo wa kuudumia wagonjwa wa nje 400 Hadi 700 kwa siku na wagonjwa wa kulazwa 187 Hadi 224 kwa siku.Aidha Meya huyo pia ameahidi kuyatekeleza maagizo yote aliyopewa na Mkuu wa Mkoa wa Dar es salaam Mhe.Kunenge kwa kushirikiana na watendaji pamoja na kutekeleza mikakati kwa kutenga fedha katika bajeti ya 2021/2122.Alipotakiwa kuzitaja changamoto zinazokabili hospital hiyo ya Mabwepande, Mganga mfawidhi wa hospital hiyo Dr.Christowelu Mande amesema ni ukosefu wa gari ya kubebea wagonjwa hali inayopelekea mazingira magumu wakati wa uhitaji wake.Katika hatua nyingine Mganga Mkuu wa Manispaa hiyo Dr. Samweli Laiza amesema, hospital hiyo ya Mabwepande inatarajiwa kutumia kiasi Cha shilingi takribani Bilioni 2.5 hadi kukamilika kwake.Mkuu wa Mkoa wa Dar es salaam ametembelea mradi wa Hospitali na kiwanda cha kuchakata taka kilichopo mabwepande pamoja na Zahanati ya Bunju.Imeandaliwa naKitengo Cha Uhusiano na Habari.Manispaa ya Kinondoni. KINONDONI YAPONGEZWA KWA UBORA NA UTEKELEZAJI WA MIRADI Posted On: December 14th, 2020 NI ULE WA UJENZI WA HOSPITAL YA MABWEPANDE KWA GHA... + Read more »
MATUKIO KATIKA PICHA -SEMINA YA BARAZA JIPYA LA MADIWANIPosted On: December 9th, 2020Baraza jipya la Madiwani lililoapishwa tarehe 07/12/2020 katika ukumbi wa mikutano wa Manispaa limeendelea kupata semina ihusuyo uelewa wa uendeshaji wa Serikali za Mitaa.Afisa Utumishi Mkuu Bi.Fauzia Nombo akifafanua jamboMada zinazofundishwa katika Semina hiyo ni Uongozi na Utawala Bora, Uwajibikaji, Majukumu haki na stahiki za Madiwani, Sheria za Serikali za Mitaa pamoja Sheria za Manunuzi.Watoa mada katika Semina hiyo ni Sekretarieti ya maadili ya Utumishi wa Umma pamoja na Wataalamu kutoka Chuo Cha Hombolo.Imeandaliwa naKitengo Cha Habari na UhusianoManispaa ya Kinondoni MATUKIO KATIKA PICHA -SEMINA YA BARAZA JIPYA LA MADIWANI Posted On: December 9th, 2020 Baraza jipya la Madiwani lililoapishwa tarehe 07/12... + Read more »