BARAZA LA MADIWANI KINONDONI LAANZA KAZI RASMIPosted On: December 7th, 2020Baraza hilo chini ya Mstahiki Meya wake Mhe.Songoro Mnyonge limeanza kazi kwa kupitisha taarifa ya utekelezaji wa shughuli za Halmashauri katika kipindi cha kuanzia Julai hadi Octoba 2020.Akitoa hoja ya kupitisha na kuungwa mkono kwa taarifa hiyo ya utekelezaji kwa Baraza la madiwani Meya Songoro amesema taarifa hiyo ni kielelezo tosha cha majukumu yanayompasa kila diwani kwenye kata yake kuhakikisha anayasimamia na kuyatekeleza kwa maslahi mapana ya wananchi."Waheshimiwa madiwani niwahakikishie Jambo moja, kipindi kilichopita tulifanya kazi kubwa Sana, kwahiyo awamu hii pia tutaendelea pale ambapo tuliishia, kunamiradi mikubwa ambayo inaendelea hivi Sasa, tumeingia rasmi kufanya kazi" Mhe. Songoro Mnyonge.Awali akiisoma taarifa hiyo ya utekelezaji kwa Baraza la Madiwani, Katibu wa Baraza hilo ambaye pia ni Mkurugenzi wa Manispaa ya Kinondoni Ndg Aron Kagurumjuli amesema taarifa hii ni ya utekelezaji wa shughuli za Halmashauri zilizofanywa kipindi ambacho baraza hilo halikuwepo.Ameongeza kuwa mara baada ya kuvunjwa kwa Baraza la Madiwani Julai mwaka huu, Halmashauri iliendelea na utekelezaji wa mpango wa bajeti ya mwaka 2020/2021 na hivyo kufanikisha shughuli mbalimbali za maendeleo hususani katika miradi mikubwa na ya kimkakati.“ Waheshimiwa madiwani, taarifa hii imeeleza namna ambavyo miradi imefanikiwa na vitu ambavyo vimefanyika katika kipindi ambacho hamkuwepo, kikubwa ni kwamba tumefanya mambo makubwa na hivyo tunawaahidi kushirikiana kwa pamoja kuyaendeleza yale ambayo yamefanyika” amesema Kagurumjuli.Katika hatua nyingine Baraza hilo lenye madiwani 30 limeteua wenyeviti na wajumbe wa kamati za kudumu ambazo ni kamati ya huduma za uchumi afya na elimu, kamati ya fedha na uongozi, kamati ya Mipangomiji na Mazingira, Kamati ya maadili na kamati ya UKIMWI. Imeandaliwa naKitengo cha Habari na MahusianoManispaa ya Kinondoni. BARAZA LA MADIWANI KINONDONI LAANZA KAZI RASMI Posted On: December 7th, 2020 Baraza hilo chini ya Mstahiki Meya wake Mhe.Songoro Mnyonge l... + Read more »
MARUFUKU KUKATA MITI BILA KIBALIPosted On: December 2nd, 2020Agizo hilo limetolewa na Mkuu wa Wilaya ya Kinondoni Mhe Daniel Chongolo alipokuwa akiongea na wadau wa sekta binafsi katika Mkutano wa Baraza la Biashara lililofanyika katika ukumbi wa mikutano wa Manispaa.Amesema ukataji miti kiholela ni hatari kwa uhai wa binadamu, lakini pia unapunguza uwezo wa ufyonzaji hewa ya ukaa unaopelekea athari za kiafya na kusababisha uharibifu wa mazingira, na kuwataka wahusika waache mara moja kwani hatua kali za kisheria zitachukuliwa dhidi ya yeyote atakayefanya hivyo.Amesema" Mti unakuwa wako unapoupanda, lakini ukishakuwa, sio wako, hivyo ni marufuku kukata miti bila kibali, lazima upate kibali Cha kufanya hivyo kwa Taasisi husika" Mhe. Daniel Chongolo.Amezitaka Taasisi, mashirika, mwananchi mmoja mmoja na sekta binafsi kuhakikisha zinapanda miti katika maeneo yao na kuilinda kwa kuitunza ili kuboresha mazingira lakini pia kuimarisha hewa Safi kwa ajili ya afya ya binadamu.Katika hatua nyingine Mkuu huyo wa Wilaya amewataka wamiliki wa kumbi za burudani kuhakikisha wanazingatia sheria na misingi ya uendeshaji wa biashara zao kwa kutokuwa kero kwa wengine na kuwataka waache mara moja kupiga kelele za muziki kwani wasipotekeleza hivyo hatua kali za kisheria zitachukuliwa dhidi yao.Imeandaliwa naKitengo Cha Habari na Uhusiano.Manispaa ya Kinondoni. MARUFUKU KUKATA MITI BILA KIBALI Posted On: December 2nd, 2020 Agizo hilo limetolewa na Mkuu wa Wilaya ya Kinondoni Mhe Daniel Chongolo al... + Read more »
KINONDONI YAZINDUA BARAZA LA BIASHARAPosted On: December 1st, 2020Akizindua Baraza hilo, Mwenyekiti wake ambaye pia ni Mkuu wa Wilaya ya Kinondoni Mhe. Daniel Chongolo amesema hili ni jukwaa pekee linatoa nafasi ya kukutana na wadau wa sekta binafsi na kujadiliana fursa zakiuchumi ikiwa ni pamoja na utatuzi wa changamoto utakaoleta tija katika mustakabali wa nchi yetu inayosimamia sera ya uchumi wa kati wa viwanda.Ameongeza kuwa ni chombo kinachoweza kupaza sauti juu ya masuala yahusuyo sekta binafsi na wafanyabiashara kwa minajili ya maboresho yaliyokuwa makwazo katika utekelezaji wa majukumu yao ya kila siku.Amesema "Ni fursa Muhimu Kama wadau kwakuwa wote tunajenga nyumba moja, tunajenga mustakabali was Nchi yetu, tutakayoyaongea yakajenge Nchi yetu, Tumepata fursa Kama hii tunakwenda kutatua kero zote" Daniel Chongolo.Akiainisha majukumu ya kamati za baraza hilo la biashara katibu wake kwa niaba ya Mkurugenzi ambaye pia ni Mweka hazina wa Manispaa Ndg Maximilian Tabonwa amesema uundwaji wa Baraza hili ni sehemu ya majadiliano kati ya sekta binafsi na sekta ya Umma katika ngazi yaTaifa, Mkoa na Wilaya na kuainisha majukumu hayo kuwa ni kufanya tathmini, kuainisha njia ya utekelezaji wa maboresho, kupendekeza utaratibu wa mfumo, kujadili mahitaji ya rasilimali, kujadili ajenda za mikutano na kufuatilia maombi ya kamati tendaji.Akijibu changamoto iliyoainishwa na wadau kuhusiana na Tax clearance katika kuhuisha leseni za Biashara, Afisa Biashara wa Manispaa hiyo Ndg.Pastori Magodi amesema ni kwa mujibu wa vifungu vya Sheria vinavyomtaka mfanyabiashara au mtu yeyote anayehuisha leseni kulazimika kushirikiana na TRA, ili kupata taarifa za awali kuhusiana na leseni hiyo kwa maana ya kujua kama anadeni la nyuma au la.Naye Meneja TRA Mkoa wa Kinondoni Ndg Masawa Masatu alipokuwa akifafanua hoja iliyoelekezwa kwakwe kuhusiana na masuala ya ulipwaji wa kodi, amewataka wafanyabiashara kuwa makini na vishoka na kuhakikisha wanafuata Sheria zinazowapasa katika ulipwaji wa kodi.Baraza hilo lilipata uwakilishi kutoka Tan Trade, TCCIA, NAKIETE, TRA, Twiga Cement na wafanyabiashara wakubwa na wadogo ambapo walipata nafasi ya kuziainisha changamoto amabzo ni mkanganyiko wa Sheria za Biashara, mwingiliano wa Sheria na majukumu katika utekelezaji, kutokuwepo na uwazi katika taratibu za baadhi ya utekelezaji wa sera katika Biashara, ukiritimba katika kutekeleza Jambo pamoja na mazingira ya biashara kutokuwa rafiki.Katika hatua nyingine Mkuu huyo wa Wilaya ya Kinondoni amewataka wafanyabiashara wadogo kukuza kipato chao kwa kutumia njia sahihi ikiwemo uchukuaji wa mikopo isiyo na riba katika mkopo wa asilimia kumi kwa ajili ya wanawake, vijana na walemavu.Imeandaliwa naKitengo Cha Habari na UhusianoManispaa ya Kinondoni KINONDONI YAZINDUA BARAZA LA BIASHARA Posted On: December 1st, 2020 Akizindua Baraza hilo, Mwenyekiti wake ambaye pia ni Mkuu wa Wilaya ya ... + Read more »
WAKAZI WA WAZO MJI MPYA WAPATIWA SULUHISHO LA BARABARAPosted On: November 27th, 2020Suluhisho hilo limekuja leo baada ya Mkuu wa Wilaya ya Kinondoni Mhe. Daniel Chongolo kuzuru eneo lenye bwawa na kushauri kufunguliwa kwa barabara ya muda katika mazungumzo yaliyohusisha wananchi wa mji mpya, wamiliki wa viwanja vilivyopakana na bwawa pamoja na wadau wa maendeleo . Akizungumza na wakazi hao, Mhe. Chongolo amesema kufunguliwa kwa barabara ya muda kutawawezesha wakazi wa wazo mji mpya kufika majumbani kwao, lakini pia kutatoa nafasi ya eneo linalojaa maji kuboreshwa kwa kusambaza kifusi na kuchimba mitaro itakayoelekeza maji katika mkondo wake ili kuzuia athari za uharibifu wa barabara.Amesema " Kwanza tuondoe hatari iliyo mbele yetu, miti ing'olewe ili kuandaa eneo la barabara ya watu kupita ili waweze kufika katika makazi yao, kupatikane kifusi cha kujaza eneo kuyaelekeza maji kufuata mkondo wake, mana suala lililoko hapa ni makubaliano tu, baina ya mwenye kiwanja kilichopakana na bwawa kutoa eneo kwa muda ili waweze kusambaza kifusi kwa ajili ya kupata barabara ya muda, wakati tukiendelea kupata suluhisho la kudumu. jukumu langu ni kuhakikisha wananchi wanapata Amani katika makazi yao" Amesema Chongolo.Aidha amemtaka Bw.Gerald Lusula Mwenye kiwanja Na.392 na Bwana Andrew Peter Mwenye kiwanja namba 393 vyote vikiwa vimepakana na eneo lenye bwawa kutoa ushirikiano katika kuhakikisha suluhu ya pamoja inapatikana kwa kuruhusu kusambazwa kifusi kwenye ukingo wa viwanja ili kupatikana kwa barabara ya muda kwa wakazi wa mji mpya kufika majumbani kwao huku wakiangalia suluhu ya kudumu ya eneo hilo.Katika hatua nyingine ameiagiza kampuni ya Mecco inayojenga barabara ya wazo kutumia scaveta pamoja na greda kusambaza kifusi kitakachotolewa na kiwanda cha wazo ikiwa ni pamoja na mifuko 20 ya cement pamoja na kalvati kwa ajili ya kuboreshwa eneo hilo la bwawa.Awali akiainisha changamoto ya eneo hilo Mhandisi wa Tanroad Bi.Mariam Hassan amesema ni kutokana na kuzuiwa kwa mkondo huo wa maji hali iliyopelekea kutuama na kusababisha bwawa linaloendelea kukua na kuharibu barabara.Imeandaliwa naKitengo Cha Uhusiano na HabariManispaa ya Kinondoni. WAKAZI WA WAZO MJI MPYA WAPATIWA SULUHISHO LA BARABARA Posted On: November 27th, 2020 Suluhisho hilo limekuja leo baada ya Mkuu wa Wilaya ... + Read more »
KINONDONI YAADHIMISHA SIKU YA MOYO DUNIANI KWA VITENDOPosted On: September 29th, 2020Manispaa ya Kinondoni kwa kushirikiana na Taasisi ya Moyo Jakaya Kikwete (JKCI), leo wameadhimisha siku ya Moyo Duniani kwa kutoa huduma mbalimbali kwa wanachi.Maadhimisho hayo yaliyoenda kwa kauli mbiu isemayo "Tambua namba yako ya uzito, pressure na Sukari" yamefanyika katika viwanja vya Tanganyika pekers kwa kutoa huduma za kupima uzito, kupima shinikizo la damu, Sukari, kupima moyo pamoja na vipimo vya ECG.Akizungumza kwa niaba ya Mganga Mkuu wa Manispaa hiyo, mratibu katika maadhimisho hayo DR. Omary Mwangaza amesema wameendesha huduma hizi kwani ndio magonjwa yasiyo na dalili zinazoonekana kwa haraka yanayoshambulia nguvu kazi ya Taifa kwa kiwango kikubwa.Amesema " Kila tarehe 29/09 kila mwaka ni siku ya kuadhimisha ugonjwa wa Moyo duniani, na kwa kauli mbiu hii ya mwaka huu inayotutaka kutambua namba yako ya uzito, pressure na Sukari",ni kaulimbiu shirikishi inayomtaka mwanachi kuchukua hatua kwani magonjwa haya dalili zake hazijitokezi kwa haraka na kusababisha tatizo kuwa kubwa kwa kuchelewa kutibiwa pindi inapompasa mtu kufanya hivyo ". DR.OmaryNaye Mkurugenzi wa Taasisi ya Moyo ya Jakaya Kikwete(JKCI) Prof. Mohamed Janabi amesema ni vema watanzania wakawa na utaratibu wa kupima afya zao hasa vipimo vya moyo kwani moyo ni kiungo kikubwa katika mwili, hivyo kikiwa na tatizo na afya nzima ya mwili itakuwa na tatizo na kuwataka wananchi kujitokeza kwa wingi katika viwanja vya Kawe kuadhimisha kwa pamoja siku hii ambapo huduma za vipimo hizo kwa siku ya leo ni bure.Imeandaliwa naKitengo cha Uhusiano na HabariManispaa ya Kinondoni KINONDONI YAADHIMISHA SIKU YA MOYO DUNIANI KWA VITENDO Posted On: September 29th, 2020 Manispaa ya Kinondoni kwa kushirikiana na Taasisi y... + Read more »
KINONDONI YAWASHUKIA WAUZAJI WA MBWA NA PAKA KIHOLELAPosted On: September 28th, 2020 Kinondoni imetoa onyo kali kwa watu wanaouza wanyama jamii ya mbwa na Paka kiholela kwani kwa kufanya hivyo ni kinyume cha sheria ya ufugaji mjini.Onyo hilo limetolewa leo na katibu Tawala wa Wilaya hiyo Bi Stella Msofe, alipokuwa mgeni rasmi katika maadhimisho ya siku ya kichaa Cha mbwa Duniani yenye kaulimbiu isemayo "TOKOMEZA KICHAA CHA MBWA: TUSHIRIKIANE, KUCHANJA" na kuzindua rasmi chanjo ya ugonjwa wa kichwa cha mbwa hafla iliyofanyika katika viwanja vya Tanganyika Packer's.Amesema sheria hairuhusu mbwa na paka kupangwa barabarani na kuuzwa, wanyama hawa Wana haki zao na kuna maeneo maalum ambayo biashara hii inatakiwa kufanyika, hivyo Wananchi wafuate sheria ili kwa pamoja tuweze kutokomeza magonjwa yanayozeza kutoka kwao wanyama na kuja kwa binaadamu ukiwemo huu wa Kichaa cha mbwa."Napenda kutumia maadhimisho ya siku hii kuwakumbusha wenzetu wanaoishi na mifugo majumbani mwao kufuata sheria za ufugaji mjini ili kudhibiti mbwa wanaozurura na Wananchi waache mara moja biashara ya kuuza mbwa barabarani" Ameongeza Bi Msofe.Kwa upande wake Mkuu wa Idara ya mifugo na uvuvi Manispaa ya Kinondoni Bi Patricia Henjewele amesema ugonjwa wa kichwa cha mbwa unaowapata mbwa pia unawapata binaadamu, na ni vigumu kutibu binaadamu ambae anakuwa ameambukizwa ugonjwa huu hivyo ni bora zaidi kuchanja mifugo ili kuzuia kusambaa kwa ugonjwa. Amesema zoezi la chanjo kwa mbwa na paka ambalo limezinduliwa leo, litakuwa endelevu kwa kipindi cha mwezi mzima katika kata mbalimbali zilizopo wilaya ya Kinondoni hivyo Wananchi wawasiliane na Maafisa mifugo wa kata husika.Aidha amewashukuru Taasisi ya Every living Things inayojihusisha na haki za wanyama hususani wanyama wanaozurura mitaani kwa kushirikiana na Manispaa ya Kinondoni kutokomeza ugonjwa wa Kichaa cha Mbwa.Siku ya kichaa cha mbwa duniani huadhimishwa kila ifikapo Tar 28 mwezi Septemba ambapo kwa Kinondoni wameadhimisha kwa kutoa chanjo kwa mbwa na paka dhidi ya ugonjwa wa kichaa cha mbwa, Kutibu wanyama watakaogundulika na magonjwa ya aina mbalimbali, Kuogesha wanyama kwa lengo la kuua kupe na viroboto na kukata kucha zilizodidi.Imeandaliwa na Kitengo cha Habari na UhusianoManispaa ya Kinondoni. KINONDONI YAWASHUKIA WAUZAJI WA MBWA NA PAKA KIHOLELA Posted On: September 28th, 2020 Kinondoni imetoa onyo kali kwa watu wanaouza wanyam... + Read more »
BARAZA LA WAZEE KINONDONI KUUNGANA NA WENZAO MKOA WA DAR ES SALAAM KUSHEREKEA SIKU YA WAZEE DUNIANIPosted On: September 26th, 2020Sherehe hizo zinazoambatana na kauli mbiu isemayo "familia na jamii tuwajibike kuwatunza wazee" zinatarajiwa kufanyika siku ya Jumamosi Tar 3 Oktoba katika viwanja vya Mnazi mmoja yakiwa ni makubaliano yaliyofikiwa leo katika kikao cha robo ya kwanza ya mwaka 2020-2021 kilichofanyika katika ukumbi wa mikutano wa Manispaa .Akitoa hoja hiyo katika katika kikao hicho, Mwenyekiti wa Baraza hilo Bw Wallace K. Mwakikalo amesema huo utakuwa wakati mzuri kwao kutoa matamko ya pamoja na kuweka mipaka ya kimajukumu kati ya mabaraza ya wazee na vikundi mbalimbali vya kusaidia wazee.Ameongeza kuwa katika maadhimisho hayo pia itakuwa ni nafasi pekee ya kupanga mikakati yao ya kupambana na changamoto zinazowakabili pamoja kama Mkoa na kubadilishana uzoefu." Kumekuwa na changamoto ya muingiliano wa majukumu Kati ya baraza la wazee na hivi vikundi vya kijamii vinavyofanya kazi na jamii ya wazee, huu utakuwa wakati mzuri kwetu kutoa tamko la mipaka ya kimajukumu tukiwa na viongozi wetu wa mkoa wa Dar es salaam" Kwa upande wake Katibu wa Baraza hilo Bi Neema Mwalubilo amesema Maadhimisho hayo yanatarajiwa kufanyika tarehe 3 mwezi ujao katika viwanja vya mnazi mmoja ambapo wazee wa kinondoni watajumuika na wazee wengine katika kuhadhimisha siku yao muhimu.Naye Afisa ustawi wa Manispaa ya Kinondoni Bi.Judith Kimaro amelitaka Baraza hilo kuwa balozi kwa wazee kujiunga na mfuko wa (ICHF), ili wawe na uhakika wa matibabu pale wanapoumwa na wazee hao kuwa mabalozi wazuri kwa wenzao wasio na uwezo wa kupata matibabu kwa kuwasaidia waweze kupatiwa kadi za msamaha wa matibabu.Imeandaliwa nakitengo cha habari na UhusianoManispaa ya Kinondoni. BARAZA LA WAZEE KINONDONI KUUNGANA NA WENZAO MKOA WA DAR ES SALAAM KUSHEREKEA SIKU YA WAZEE DUNIANI Posted On: September 26th, 2020 Shereh... + Read more »